பட்டணத்து மச்சானும் ...
( பட்டணத்து மச்சானும் பட்டிக்காட்டு மச்சினியும் )
கண்மாய்க் கரையோரம்
கூவும் குயில் ராகம் கற்க
மச்சான்:
கண்மாய்க் கரையோரம்
களத்து மேட்டோரம்
வண்ணான் தொறையோரம்
வளைஞ்சு ஓடும் வரப்போரம்
நாணல் புல்லாட்டம்
நடையளந்து போறபுள்ள
நாங்கூறும் சங்கதிய
நாலு வார்த்தை கேளுபுள்ள...
மச்சினி:
சவுக்கு மரமாட்டம்
சந்தன மரமாட்டம்
உதிக்கும் நிலவாட்டம்
உருண்டோடும் தண்ணியாட்டம்
வெளஞ்ச நெல் போல
வெவரமாப் பேசுற மச்சான்
வெறசாச் சொல்லிப் போங்க
வெறகு எடுக்க நான் போணும்...
மச்சான்:
பூசணிக் கொடி போல
பூத்து நின்னவளே!
உதட்டுச் சிரிப்பால
உசிரறுத்துப் போறவளே ...
பூங்காத்து வீசியிருக்கு
புளியம்பூ பூத்திருக்கு
அத்தமக உனைப்பார்க்க
அடிமனசு பசிச்சிருக்கு...
எட்டுமைலு தாண்டி
இளந்தமுள்ளு வேலிதாண்டி
பட்டமர விறகு தேடி
பாதகத்தி நான் போறேன்...
உச்சி வெயிலுக்குள்ளே
வூடு போய்ச் சேரணும்
ஒக்காந்து பேசினா
எம்பொழப்பு போயிரும்...
மச்சான்:
அரைச்ச சந்தனம் நீ
ஆகாச சூரியன் நீ
உள்ளத்தில் குதிச்சு - என்
உயிரள்ளிக் குடிச்சவ நீ ...
தனியாகத் தவமிருக்கேன்
தவம் கிடந்து பசிச்சிருக்கேன்
உன்னோடு சேரத்தான்
உசுறு வச்சுக் காத்திருக்கேன் ...
மச்சினி :
பட்டமர விறகுலதான்
பாதகத்தி பொழப்பிருக்கு
பட்டியாடு மேய்ப்புலதான்
பசிக்கும் வயிறு நெறஞ்சிருக்கு
ஓட்டுப் போட்ட உடையிலதான்
உடல்கூட மறைஞ்சிருக்கு
ஒதுங்கிப்போன குப்பைகிட்ட
ஒங்களுக்கென்ன புடுச்சிருக்கு?
மச்சான்:
பட்டணத்து மச்சானிருக்க
பட்டமர விறகு எதுக்கு
பால்சோறு பக்கமிருக்க
பட்டியாடு மேய்ப்பெதுக்கு...
ஒட்டுப்போட்ட உடைக்குள்ளே
ஓவியந்தான் மறைஞ்சிருக்கு
ஒதுங்கிப்போன குப்பையில
ஒசந்த நிலா ஒளிஞ்சிருக்கு ...
மச்சினி :
இங்கிலீசு படிச்சவுக
இங்கிதம் தெரிஞ்சவுக
பட்டணத்தில் படிச்சு
பாராட்டு பெத்தவுக
பாறாங்கல்லு மேல
பூப்பூக்க வாய்ப்பில்ல
பட்டிக்காட்டு பருத்தியிவ
படிச்சதெல்லாம் ஒண்ணுமில்ல...
மச்சான் :
கூவும் குயில் ராகம் கற்க
குருகுலம் போனதில்ல
விந்தை செய்யும் மின்மினிகள்
விஞ்ஞானம் கற்றதில்ல
பாடம் கற்றுப் பார்த்ததில்ல
பாசத்தோடு நீயிருக்க
படிப்பெதுக்கு வாடிபுள்ள ...
மச்சினி :
பாசம் பழுத்த சந்திரனே
அடிமாட்டுச் சிறுக்கிமேல
ஆசைப்பட்ட மம்முதனே
நரக நதிவழியே
நடையளந்து போறவள
நெஞ்சுக்குள்ளே தைக்காதீக
நேசம் வச்சு போகாதீக...
மனசுக்குள்ளே நின்னுக்கிட்டே
மல்லிகைப்பூ பறிச்சயடி
மத்தாப்பாச் சிரிச்சுக்கிட்டே
மனச ஒடச்சுப் போறயடி...
இலவம் பஞ்சே உனக்காக
இளைய மகன் நோகுறேன்
இல்லேன்னு சொல்லிவிடு
இப்போதே சாகுறேன்...
மச்சினி:
உசுறு வச்சுப் போற மச்சான்
உள்ளம் கலங்கிப் போகாதீக
அடிமாட்டுச் சிறுக்கி என்ன
அழவச்சுப் பார்க்காதீக.
இங்கிலீசு படிச்ச மச்சான்
இன்னிக்கே பட்டணம் போங்க
பக்கம் வந்து சேர்ந்திடறேன்